شنیرا اکرم نے کراچی کا ساحل عوام کیلئے بند کرنے کا مطالبہ کرتے ہوئے شرمناک تصاویر شیئر کر دیں، دیکھ کر ہر پاکستانی کا سر شرم سے جھک جائے
کراچی(نیوز ڈیسک ) پاکستان کی کرکٹ ٹیم کے سابق کپتان اور سوئنگ کے سلطان ووسیم اکرم کی پہلی اہلیہ انتقال کر گئی تھیں جس کے بعد وسیم اکرم نے آسٹریلوی شہری شنیرا سے اپنی دوسری شادی کی تھی . شنیرا اکرم پاکستانی عوام میں اب گھل مل چکی ہیں اور خود کو پاکستانی تصور کرتی ہیں.
اب قومی کرکٹ ٹیم کے سابق کپتان وسیم اکرم کی اہلیہ شنیرا اکرم نے کراچی کے ساحل سمندر سی ویو کو عوام کیلئے خطرناک اور غیر محفوظ قرار دہتے ہوئے اسے بند کرنے کا مطالبہ کر دیا ہے اور اس کیساتھ ہی ساحل پر پھیلے ہسپتال کے فضلے کی تصاویر بھی شیئر کر دی ہیں۔شنیرا اکرم نے سماجی رابطے کی سائٹ ٹوئٹر پر چند تصاویر شیئر کیں جن میں دیکھا جا سکتا ہے کہ سی ویو پر بڑی تعداد میں استعمال شدہ سرنجیں اور ہسپتال کا فضلہ بکھرا پڑا ہے۔پوسٹ شیئر کرکے شنیرا اکرم نے سب کو آگاہ کیا کہ ساحل کلفٹن پر یہ فضلہ خطرناک حدیں پار کرچکا ہے لہٰذا اسے فوری طور پر بند کردیا جائے۔شنیرا اکرم نے ٹوئٹر پوسٹ میں لکھا کہ سی ویو ساحل پر مت جائیں اسے صاف کرنے کی کوشش کریں، یہ انتہائی خطرناک فضلہ ہے اس علاقے پر پابندی عائد کی جائے اور اسے انتظامیہ سے صاف کرایا جائے۔شنیرا اکرم نے مزید لکھا کہ ضرورت ہے کہ فوری طور پر سب کو بتادیا جائے کہ ساحل سمند غیر محفوظ ہے۔شنیرا اکرم نے غصے کا اظہار کرتے ہوئے کہا کہ ایسا لگتا ہے جیسے ہسپتال میں جن چیزوں سے خوف آتا ہے وہ سب ہمارے ساحل سمندر پر دھوئی جاتی ہیں، اسے روکنا ہوگاجوکہ بہت ضروری ہے.
